كيف نقدم لك حلول لمشكلات كثيرة تدور في رأسك .
كيف أهتم بنفسي ؟
لكل فتاة وسيدة تريد الأهتمام بنفسها , نقدم لها نصائح للعناية اليومية بالجسم والبشرة و هتقولك على نصايح تساعدك على الإهتمام ببشرتك الصبح و بالليل وكيف تعتني بشعرك وأظافرك وكيف تختاري ملابسك عشان انتى تستاهلى تكونى دايما جميلة.
نصائح للعناية اليومية بالجسم والبشرة :
العناية بالبشرة :
في الصباح وبعد ماتغسلي وشك , ماتنسيش تستخدمي التونر , لانه مهم جدا وبيساعد في غلق المسام , وبكده حيقلل من دخول اي اتربة علي البشرة ويسبب في ضررها وظهور الحبوب او البثور .
– كريمات النهار او الليل يجب وضعها في حركات دائرية علشان البشرة ماتترهلش, وبعيد عن منطقة العين , اما الرقبة فمن تحت لفوق .
– كريم الليل , بنحط كريم الليل قبل مانروح ننام علي طول لانه بيعمل علي تغذية البشرة , واكثر فترة بتستفيد فيها البشرة بأي كريم هي فترة الليل .
– من الاخطاء الشائعة هي وضع الكريم علي بشرة غير نظيفة او بها اثار من المكياج ,حيث ان البشرة تقوم بامتصاص الكريم المرطب مع الماكياج , وبكده يبقي بنضرها بدل ما نغذيها .
– اثناء الحر او ارتفاع درجة الحرارة الجسم بيفقد الرطوبة , ومن اجل ذلك حافظي علي شرب المياة بكمية كافية , اي مايعادل 3 لتر في اليوم , حيث ان السوائل بتساعد البشرة والجلد كله بالمرونة والنعومة , مع كريمات الترطيب التي يفضل وضعها قبل النوم .
– لو متعودة وضع المكياج في الصباح , لازم استخدام حليب منظف للوش ومناسب لنوع البشرة ,ثم بعد ذلك قومي بغسل الوش بمياه دافئة وبعدين مياة باردة .
كيف أهتم بنفسي ؟
ديتوكس المياه :
-من المعروف ان المياة بتطرد السموم من الجسم ولكن ديتوكس المياة لديه مفعول اخر , لانه بيساعد علي التخلص من السموم وبينقي البشرة من الاتربة ويمنحها النضارة اللازمة .
ده غير ان ديتوكس المياه بيساعد الكبد على التخلص من المواد الكيميائية الضارة والاضافات الغير الطبيعية اللى بتضاف يوميا للأكل وبدون معرفة مننا وخصوصا في الوجبات الجاهزة.
لكن من المؤكد ان ديتوكس المياه لوحده مش كفاية لازم تلتزمي وانتى بتشربيه انك تبعدى عن تناول السكريات والأكلات الدسمة وكمان لو بتدخنى يبقى تبطلى التدخين اللى بيدخل كل السموم لجسمك وبيضرك وبيضر من حولك .
طريقة تحضير المياه للديتوكس:
من المهم تحضير المياه للديتوكس قبل ليلة واحدة من الاستخدام, واستعملي برطمان زجاج عشان تحفظيه. واليك افضل وصفة ممكن تستعمليها وهي خليط المياه مع شرايح الخيار والليمون والنعناع.
لإن ال 4 عناصر دول (ماء – خيار – ليمون – نعناع ) بتشكل المزيج المثالي , حيث ان المياه بتساعد على التخلص من السموم وبتحافظ على رطوبة الجسم, و الخيار بيحتوى على الاحماض الامينية اللى بتحفز الكبد على التخلص من السموم , و الليمون بيحفز المسار الهضمي وبيساعد على التخلص من الامساك. اما النعناع فهو اساسي لعملية الهضم واسترخاء عضلات المعدة.
العناية بالعينين :
– لا شك إن الخوف من تجاعيد العين المبكرة يقلق كل سيدة وده اللى بيجبرها لان تلجأ لوضع الخلطات والمستحضرات التجميلية عشان تتخلص من التجاعيد واللى ممكن تعود بفايدة لمدة معينة قصيرة وتختفي آثارها بعد كده, عشان كده بنحتاج نصايح جمالية أكبر من مجرد مواد وخلطات عشان تكون أسلوب حياة نتبعه يومياً.
كيف أهتم بنفسي ؟
نصائح جمالية لحماية العين من التجاعيد :
في البداية لازم تتعرفي على أنواع تجاعيد العين واللى من الطبيعي أنها تظهر بعد فترة معينة من العمر لكن إزاى تتعاملى معاها هو ده الأهم .
بتنقسم تجاعيد العين المبكرة لقسمين : واحد بيظهر تحت العين, والتانية حواليها, وبتظهر التجاعيد دى بسبب سوء التغذية, ونتيجة لتآكل الطبقة الخارجية والسطحية للبشرة, واللى مهمتها حماية البشرة من الداخل ضد العوامل الخارجية, فتصبح الخلايا غير قادرة على التغير والتجدد والاحتفاظ بنسبة الرطوبة.
عشان كده هنقولك على شوية نصايح تتفادى بيها تجاعيد العين المبكرة :
– استخدام كريمات الوقاية من الشمس: استخدمي كريم جيد للوقاية من أشعة الشمس الضارة ,وعشان تحافظى على صحة وجمال عينيكى, لأن المحافظة على صحة البشرة هيجنبك ظهور تجاعيد العينين المبكرة, وكمان هيقلل من زيادة التجاعيد الموجودة عندك.
– استخدام النضارات الشمسية: النضارات الشمسية ليها دور مهم في حماية العينين, لأن كتر التعرض لأشعة الشمس من غير ما تلبسى نضارات واقية هيخليكى على طول مكرمشة عنيكي او شبه مغمضة وبالتالى هيؤدي لتمدد الجلد وترهله وبالتالي ظهور التجاعيد.
– ترطيب البشرة: الجفاف هو أسوأ حاجة بتتعرضلها البشرة خصوصاً المناطق المحيطة بالعينين واللى بتتميز بالرقّة والضعف, عشان كده بنصحك باستخدام كريمات الترطيب يومياً واللى بتحتوي على مواد مضادة للأكسدة من بعد سن العشرين .
– الاسترخاء عند الشعور بالإجهاد: الشعور بالإجهاد مضر بصحة البشرة والعيينين, خصوصا قلّة النوم عشان كده لازم تنامى قدر وافي وتاخدى قسط من الراحة في منتصف اليوم .
– مراعاة التغذية الصحية: أكل الأطعمة الصحية بينعكس على الجسم والبشرة والعينين,والابتعاد عن الوجبات الجاهزة المليئة بالسعرات الحارية والتوابل ,ولازم التركيز على أكل الخضراوات, وأكل الأسماك والمكسرات, مع شرب 8 أكواب مياه على الأقل فى اليوم .
– من المهم جدا مشي نصف ساعة كل يوم في الصباح الباكر لان ده بينشط الدورة الدموية وبيضمن وصول الاكسجين لجميع خلايا البشرة وتغذيتها .
كيف أهتم بنفسي ؟
العناية بالاظافر :
من أكتر الحاجات اللى بتهتم بيها كل بنت هى إيديها و خصوصا ضوافرها لإن منظر الإيد وبالذات الأظافر بيدى فكرة عامة وسريعة عن البنت من اول نظرة ..
لكن فى بنات كتير بتعانى من الأظافر الضعيفة, لو عايزة تتخلصى من المشكلة دى النصايح اللى هنقولك عليها دي :
نصائح للعناية بالاظافر :
– عشان اظافرك تكون قوية اكثرى من الاطعمة الغنية بــ الكالسيوم البوتاسيوم و الحديد و فيتامين B زى الكبدة و السبانخ و الثوم و البيض والزبادى و اللوز والسى فود و منتجات الالبان و البروكلى و المكسرات.
– قصى اظافرك بعد الشاور بس مش بشكل بيضاوى , بشكل مستطيل او مربع عشان يساعد فى تقوية الاظافر.
– حافظى على استخدام كريم الإيد والاظافر يوميا عشان تبقى رطبة لان جفاف الاظافر هيسبب تشققها و سهولة كسرها.
– إلبسى جوانتى دايما وانتى بتتعاملى مع المياه و المنظفات بجميع انواعها لانها العدو الاكبر للاظافر بتخليها جافة و بالتالى هتزود من قابلية كسرها .
– بلاش تحطى مانيكير كل يوم و إدى فرصة لاظافرك إنها ترتاح .
– بلاش الإفراط فى العناية باظافرك يعنى بلاش تبرديها بشكل يومى كفاية مرة واحدة كل إسبوع.
كيف أهتم بنفسي ؟
العناية بالشعر :
يعتبر شعر الفتاة او السيدة هو تاجها واللذي يدل علي رونق وجمال الفتاة او ضعفها وذبولها. واليكي نصائح هامة للعناية بالشعر وخصوصا مع الحجاب عشان تحافظى على صحة شعرك على قد ما تقدرى.
نصائح العناية بالشعر :
– تجنبي برم الشعر او قصعه بشدة بعد الشاور او بعد التسريح لان هذه الحركة تعمل علي اجهاد الشعر وتقصفه.
– تجنبي غسل الشعر كل يوم لان الماء يقوم بنزح الزيوت الطبيعية الموجودة في الشعر ويعمل علي اتلافه وتقصفه , وبل اكتفي بمرة او اتنين في الاسبوع علي الاكثر .
– احرصي علي عدم كشف الشعر وتعرضه للشمس فترة طويلة حتي لايتعرض للجفاف ويتلف.
– استخدمي الشامبو المناسب لنوع شعرك ومعاه حمام الكريم المغذي للشعر .
– استخدمي شامبو من نوع خاص اذا كنتي تعاني من القشرة , فيجب التخلص منها نهائيا لانها تظهر علي ملابسك وتقلل من هندامك وتسبب لك الحكة مما يعرضك للخجل .
– استخدمي حمامات الزيوت مرة كل شهر علي الاقل للعناية بصحة شعرك .
– قومي بوضع خلطات مرطبة ومغذية للشعر كخلطة الزبادي مع زيت الزيتون وزيت جوز الهند .
– ابتعدي عن صبغات الشعر المهلكة والمدمرة للشعر والتي تحتوي علي مواد كيماوية ضارة للشعر وابتعدي عن الانواع الرخيصة منها واختاري الانواع الجيدة الخالية من تلك المواد الهالكة للشعر.
كيف أهتم بنفسي ؟
نصايح العناية بالشعر مع الحجاب :
– تجنبي تماما لف الإيشاربات بطريقة مشدودة أو ضيقة, لإنك كده مابتسمحيش للهوا انه يدخل لفروة الرأس وبالتالى هيعيق نموه الصحي ويعرضه للجفاف.
– من الأفضل إنك تلبسى إيشاربات مصنوعة من خامات طبيعية زى القطن أو الحرير عشان تمنعى ارتفاع درجة الحرارة في الراس نتيجة الإحتكاك لإنه هيسبب تقصف خصلات الشعر وتساقطها مع الوقت.
– وفى حالة إنك لبستى الأنواع التانية من الطرح اللى أقمشتها صناعية زى النايلون والبوليستر , يبقى تلبسى تحتها باندانا أو سكارف من النوع القطن عشان تحافظ على صحة الشعر.
– أربطى شعرك بطريقة مرتخية تحت الطرحة سواء كعكة أو ديل حصان, لإن شد خصلات الشعر تحت الحجاب بيسبب إرهاق بصيلات الشعر وبالتالى هيضعف الشعر و يسبب تساقطه .
– أول ما تدخلى البيت فكى شعرك وسيبيه لمدة ساعة أو ساعتين على الأقل عشان ماتزيدش تموجاته بسبب الأستك اللى مربوط بيه فترة طويلة كمان ده هيدى شعرك قدرة أكبر على التنفس والاسترخاء.
– المساج من أفضل الطرق اللى بتحافظ على صحة الشعر مع الحجاب, لأنه بيساعد على تنشيط الدورة الدموية وحمايته من الجفاف, عشان كده احرصي على تدليك فروة راسك يوميا في حركات دائرية لمدة خمس دقائق , واعملى حمام كريم مرطب مرة كل إسبوع عشان تحافظى على نعومة الشعر وحيويته.
– قبل ما تلبسى الحجاب وانتى خارجة عليك باتباع النصائح اللي لازم تاخدى بالك منها عشان تحافظى على شعرك :
– أولا قبل ما تلبسى الحجاب إتأكدى ان شعرك ناشف تماما لإنك لو لبستى الحجاب و شعرك لسه مبلول ده هيسبب ضعف الشعر و كمان ظهور قشرة الرأس مع ترك رائحة غير مستحبه .
بالنسبة للشعر الطويل, لاتعرضيه للربط العنيف لإن ده هيسبب تقصفه وتساقطه.
– ثانيا حاولى على قد ما تقدرى ما تلبسيش الحجاب أكتر من 8 ساعات متواصلة ولو أمكن إقلعى الحجاب دقايق صغيرة في مكان منفرد عشان شعرك يتمتع بالتهوية و تخلى مسام فروة الرأس تتنفس .
– ثالثا وانتى بتختارى الطرحة راعى انك تختارى خامات ما تضرش بصحة شعرك والوان تليق مع لون بشرتك .
كيف أهتم بنفسي ؟
العناية بأختيار الملابس :
كل سيدة او فتاه تحرص علي ان تبدو في كامل اناقتها , ولكن البعض يسيئ اختيار الملابس التي ترتديها , مع يعطي شعور سلبي من جهة الاخرين ويجعلها غير راضية عن نفسها وبملابسها , فمن الضروري ان تهتمي بذلك وتحرصي علي اختيار الوان ملابسك بحيث تكون مناسبة مع شكل جسمك , بمعني ان لو السيدة او الفتاة رفيعة جدا , فيجب الابتعاد عن الملابس الداكنة لانها تعطي شعور بالرفع اكثر لجسمك , كما عليها الابتعاد عن الخطوط الطويلة بالملابس لانها تعطي مظهر للنحافة اكتر , والعكس لو الفتاة ممتلئة فيجب الابتعاد عن الملابس الفاتحة والملابس ذات الخطوط العريضة لانها تعمل علي اضافة كيلوات في المظهر الخارجي للجسم وهتبرز عيوب الجسم , مع مراعاة لون البشرة لو كانت بشرتك سمرا فيجب الابتعاد عن الالوان الداكنة ايضا , بل البسي الالوان الزاهية الجميلة , ولو بشرتك بيضاء فيحن ذلك عليك اختيار مايحلو لك في الأوان .
