أخبار عاجلة


الرئيسية » الرجل » كيف يمكنك تغيير مجال شغلك وأهم الخطوات التي يجب اتباعها؟

كيف يمكنك تغيير مجال شغلك وأهم الخطوات التي يجب اتباعها؟


كيف يمكنك تغيير مجال شغلك وأهم الخطوات التي يجب اتباعها؟

عندما يفكر الشخص بتغيير مجال شغله (كارير عمله) , ينبغي عليه القيام ببعض الخطوات التي من شأنها تساعده في التأقلم علي هذا التغيير .. خطوات منضبطة ومدروسة قبل تغيير كارير العمل ..

كيف يمكنك تغيير مجال شغلك وأهم الخطوات التي يجب اتباعها؟
كيف يمكنك تغيير مجال شغلك وأهم الخطوات التي يجب اتباعها؟

لأن تغيير مجال العمل , البعض يجدها حاجة صعبة ومرعبة , خصوصاً لأن من الصعب علي ناس كتير تلاقي شغل في مثل هذه الأيام التي تكثر بها أعداد البطالة , بالإضافة ان اقتحام  مجال جديد يحتاج من الشخص ان يتحلي بالجرأة الرهيبة + طول بال , لأنه مع تغيير الشغل حيحتاج انه يتعلم حاجات لم يكن يعلمها من قبل (بحكم تغيير مجال العمل) .

وفي حقيقة الأمر لست محتاج لتغيير كاريرك بدرجة 180 درجة , فيه حالات ممكن تعمل تغيير مجال دون تغيير الوظيفة او الشغل , اي من داخل العمل نفسه مع تغيير في المجال , كأن تتخصص في مجال ترجمة الأدب وانت في الاصل متخصص في الترجمة القانونية .. ولكن التحول الوظيفي الكامل والذي يطلق عليه (Career Shift) , هو ان تقرر الأتجاه الي مجال التصميم او البرمجة وتترك مجالك الأصلي بالكامل (الترجمة) ..

هناك بعض الخطوات اللي يجب مراعتها عند القيام بتغير مجال الشغل .

  • أهم الخطوات التي يجب مراعاتها عند تغيير الشغل؟

 –  تعلم المجال الجديد .. عندما تفكر في تغيير مجال الشغل أول حاجة ممكن تيجي على بالك انك لسة هتتعلم من البداية , ولكن في غالبية الأمر التعليم مش معناه انك تتعلم في كلية او انك تدرس المجال لعدة سنوات علشان تقدر تدخل في المجال دا وتغير كريرك ,  ولكن المهم هنا ازاي تتعلمه من ذوي الخبرة .. والكورسات او الدورات غالبا بتكون إونلاين أو في مراكز تعليمية .. اسأل عن المكان قبل ان تذهب إليه , فالمكان لازم يكون مناسب قبل دراسة الكورس فيه .. وهناك العديد من المجالات النظرية لا تحتاج دراسة جامعية وممكن بالدورات والاطلاع علي الكتب , ومع متابعة من اليوتيوب حتقدر تتقنها .. المهم تضع قدميك علي المسار التعليمي الصح.

 – نوع المهارات المشتركة .. الغالبية العظمي من الناس بيعتقدو إن عند تغيير المجال حتترك كل ماتعلمته خلف ظهرك وتبدأ تتعلم من جديد في تعلم مهارات من نوع جديد تماماً , والخبرة السابقة التي تمتلكها لست في حاجة لها بعد القيام بالتغيير .. هذا الإعتقاد غير حقيقي ويتنافي تماما مع الواقع  , لأن كثير من المجالات بتكون بينهم  مهارات مشتركة رغم اختلاف المجالات , مثل إتقان التعامل مع الكمبيوتر والاوفيس ومايكروسوفت , و مهارات التواصل والإلقاء وإتقان اللغة … الي آخر هذه المهارات,والخطوة دي بيحددها نوع المجال وليس أصحاب المؤسسات.

 – تواصل مع اشخاص من داخل المجال اللي ناوي تتجه ليه .. التواصل مع هؤلاء الاشخاص بتشتغل بالفعل في نفس المجال اللي بتفكر تغير كاريرك و تتجه إليه , تعتبر أهم خطوة, ليه؟ لإن الخطوة دي حتجعلك تحدد هل المجال الوظيفي ملائم  ولا غير ملائم لك , قبل ان تقوم بأي إجراء في شغلك الحالي تندم عليه ,  والتعرف علي اناس من نفس المجال حيوسع من دائرة علاقاتك وهيساعدك بعد كده في البحث عن وظيفة في المجال نفسه.. وممكن كمان تجهز اسئلتك واختار شخص محترف و ناجح في المجال الجديد واتواصل معاه علشان يساعدك في اتخاذ القرار من خلال الرد علي استفساراتك .. وإزاي في فترة قصيرة تحقق النجاح في المجال الجديد .. اهم حاجة في الخطوة دي تسأل حد يكون لديه خبره وأمين في توصيل المعلومة الصح , علشان يوفر عليك البحث الكتير ويفضل يكون اكتر من حد حتي تستطيع الألمام بكل التفاصيل عن المجال اللي بتفكر تنتقل إليه ..

خد وقت راحة .. تفصل فيه من مجال الشغل الحالي قبل ان تنتقل بشكل كامل الي مجال العمل الجديد .. مع الوضع في الاعتبار ان الإنفصال عن شغللك الحالي بطريقة مفاجئة وبشكل كلي تعتبر خطوة غير جيدة .. ولكن البدأ بأخذ راحة بسيطة (مدة اسبوع أو 10 أيام) فترة معقولة تتيح لك اتخاذ القرر .. هل مستعد بالفعل لترك الشغل , ولا هناك امكانية انك تكمل فيه .. في اثناء فترة الراحة او البريك تقدر تجرب عمل اي مهمة بسيطة داخل المجال الجديد , وايضا يمكن توسع معلوماتك وتقرأ عن المجال الجديد علشان تعرف اكتر عنه ,وتقدر تحدد وقتها  هل مجال الشغل دا حيحقق لك طموحك وحتقد تتماشى معه ولا بعد قراءتك واطلاعك حتبدأ تعيد النظر  وتفكر في مجال تاني او تبقي في شغلك القديم , ويادار مادخلك شر ..

– ابحث عن الحلول البديلة التي يمكن تنفيذها بمجال عملك الحالي ,ضع يدك علي المشكلة التي جعلتك ترغب في تغيير مجالك الحالي , بمعني ان هل كل زملائك في نفس مجالك غير مرتاحين ويرغبون في التغيير ام المشكلة لديك فقط .. يعني المشكلة تعم الكل ولا مشكلة خاصة .. ولو مشكلتك لوحدك بدأت بوضع حلول لها ولا فكرت في التغيير علي طول , هل حاولت ان تنجح في عملك وجربت اكتر من وسيلة توصلك للنجاح فيه ويأست من كتر المحاولات؟  قبل الإجابة مع نفسك .. لابد من استنفاذ كل السبل للتغيير داخل المجال , وفي النهاية ان لم تكن مرتاحاً , وقتها قرر وبكل ثقة إنك مش قادر تكمل في المجال ولازم للتغيير الكلي ..

وأخيراً :

التحول الوظيفي بات منتشراً في الأونة الأخيرة , واشخاص كتر قدرو يحققوا نجاحات متقدمة .. لأن غالبية الاشخاص الان بيشتغلوا في مجال غير مجال دراستهم , يعني تقدر انك تنجح في المجال اللي انت مؤمن بقدرتك في الدخول فيه , كل ماعليك هو ان تأخذ خطوات سليمة ومدروسة قبل ان تترك مجالك الحالي , وابحث عن وظيفة أولاً وانت في مكانك الحالي , فالبعض يترك عمله ثم لا يجد عملاً جديداً , فلابد ان تضع قدميك علي أرض ثابتة .

فضلا : إذا أعجبك هذا المقال أترك تعليقك وأنشره بين أصدقاؤك لتعم الفائدة علي الجميع,شكرا للمتابعة.


عن محمد سامح

شاهد أيضاً

كيف تفرق بين المنصة والموقع الإلكتروني ومزايا وخصائص كلاً منهما؟

كيف تفرق بين المنصة والموقع الإلكتروني ومزايا وخصائص كلاً منهما؟

كيف تفرق بين المنصة والموقع الإلكتروني ومزايا وخصائص كلاً منهما؟ أصبح استخدام الويب والإنترنت مهم …

اترك تعليقاً

لن يتم نشر عنوان بريدك الإلكتروني.